Nagdoble ti panagngato ti presyo dagiti higland vegetables wenno nateng iti La Trinidad Trading Post gapu iti panagdalapos ti bagyo a Pepito.
Sigun kadagiti disposer, bimmaba ti bilang dagiti mannalon a nangibiyahe kadagiti mula dagitoy nangrugi idi kalman gapu iti napasaran a napigsa a panagbayakabak ti todo.
Ngem, manamnama nga umado dagiti mangibyahe kadagiti natengda nangruna ket simmayaat ti sasaaden ti panawen
Maipalagip nga idi panagdalapus ti bagyo a Nika ken Ofel ket ngimmato met laeng ti presyo dagiti nateng iti La Trinidad Trading Post ken Benguet Agri Pinoy Trading Center gapu ta bassit dagiti mannalon a nangibiyahe kadagiti natengda.
Iti panakiuman ti Bombo Radyo kenni Agrex Sanio, maysa a mannalon, kinuna nga adda ti sumagmamano a mula dagitoy a nadadael gapu iti panagdalapus ti bagyo a Pepito isu’t gapuna a bassit ti suplay ti nateng a mailaklako iti La Trinidad Trading Post.
Innayonna pay a maysa a factor nu apay a bassit ti mangibyahe kadagiti natengda ket gapu ta delikado ti panagdalyasat kadagiti kalkalsada gapu iti napigsa a panagbayakabak ti todo ken panagbanesbes ti angin.
