Manamnama a ngumato ti presyo dagiti ikkan gapu iti panagngato ti demand daytoy kagiddan ti umadanin a Semana Santa.
Maipalagip a dagiti katoliko ket liklikanda ti panangan ti karne kas wagas ti panagpenentisyada iti Ash Wednesday ken tunggal Biyenes ti Lenten season.
Maibasar iti kaudian a datos ti Department of Agriculture (DA), ti presyo ti bangus ket ngimmato manipud P140 agingga P250 tunggal kilo idi March 18 ket nagbalin daytoy a P150 agingga P220 tunggal kilo idi March 21 bayat a ti galunggong a manipud iti P180 agingga P280 tunggal kilo ket nagbalin daytoy a P180 agingga P300 tunggal kilo.
Kabayatanna, kinuna ni Department of Agriculture (DA) spokeperson Assistant Secretary Arnel De Mesa a manamnama nga inton Maundy Thursday agingga Black Saturday ket ngumato pay dagiti presyo ti bangus iti 10% agingga 20%.
Nu pay kasta, kinuna ni De Mesa a saan a kasapulan ti panangipaulog ti price ceiling iti laksid ti panagngato ti presyo dagiti ikkan.
