Ngumato ti presyo dagiti produkto a petrolyo ita nga aldaw, Hulio 7, 2026.
Sigun iti Department of Energy (DOE), mabalin nga ipatungpal dagiti kompania ti lana ti nadumaduma a panagbalbaliw ti presio.
Pasible a bumaba iti P1.75 wenno ngumato iti P0.25 tunggal litro ti Gasolina; Diesel a posible a ngumato iti P1.57 agingga P3.57 tunggal litro ken ti Kerosina a posible a ngumato iti P1.70 agingga iti P3.70 tunggal litro.
Daytoy ti maikadua nga agsasaruno a panagngato ti presio ti gasolina ken diesel.
Kabayatanna, impasigurado ti DOE nga agtatalinaed nga umdas ti suplay ti pagilian iti gasolina ken diesel.
Sigun iti ahensiya, bimmaba ti presyo ti petrolyo iti world market, ngem saan paylaeng a marikna iti pump prices ti pagilian.
Agipektibo ti panaggaraw ti presyo kadagiti nagduduma a kompanya ti lana iti ala-6:00 ti agsapa.
