Inpatungpalen ti gobyerno ti baro a pagalagadan a mangituding iti limitasyon iti panangbaliw iti presyo dagiti presyo ti produkto a petrolyo kalpasan iti pannakaideklara ti national energy emergency iti pagilian.
Sigun iti Department of Energy (DOE), saan a direkta a kontrolen ti gobyerno ti mismo a presyo dagiti produkto a petrolyo nu di ket limitaranda laeng ti gatad a mabalin a pangipangatoan ken pangibabaan ti presyo dagitoy.
Iti sidung ti nasao a pagalagadan, kasapulan a sumurot dagiti oil company iti maituding a minimum a rollback ken maximum a price increase, kayatna a sawen nu adda ti inpaulog ti Department of Energy a presyo, kasapula a sumurot dagiti nasao a kumpanya.
Impetteng ni Energy Secretary Sharon Garin a kasapulan a sumurot dagiti amin nga oil companies kadagiti intuding ti gobyerno nga adjustments.
Kabayatanna, mangrugi ita nga aldaw, manamanama a bumaba dagiti presyo ti produkto a petrolyo iti agarup P24.94 tunggal litro ti diesel, P3.41 iti gasolina, ken P2 iti kerosena.
Gapu iti daytoy, manamnama a sumurot amin dagiti oil companies iti nasao a rollback.
Immunan a kinnidaw ni President Ferdinand Marcos, Jr. nga ipatumpal dagiti oil companies ti rollback ken binagaanna ti publiko nga iyuman iti opisinana ken opisina ti Department of Energy nu adda dagiti makitada nga aglabsing seknan iti presyo ti produkto a petrolyo . //bombokaren.c.s
