--Ads--
BAGUIO CITY – Dumandanon ita iti P66 agingga P140 ti tunggal kilo ti asukar depende iti brand ken variant daytoy.
Sigun kenni Juliet Lucas, Regional Director ti DTI-Cordillera, adda ti nagduduma a variants ti puraw wenno refined sugar nu sadino saan nga agpapada ti presyo dagitoy.
Dinakamatna a ti refined/puraw nga asukar a maar-aramat iti uneg ti pagtaengan ket dumandanon iti P66 agingga P73.
Namonitor sadiay Ifugao ti kababaan a presyo a P66 bayat a namonitor met sadiay Abra ti kangatoan a presyo a P73 gapu iti delivery cost.
Impetteng met ni Lucas nga iti baet ti nangato a presyo ket umdas latta ti suplay ti asukar kadagiti supermarket iti rehiyon.
