--Ads--
Impelementar ti Republic Gas Corporation, wenno Regasco ti panagngato ti presyo ti Liquefied Petroleum Gas (LPG) iti P18 tunggal kilo.
Nagrugi idi kalman ti umuna a P10 tunggal kilo a panangpangato, ngumato pay daytoy iti P5 tunggal kilo intun October 10, ken P3 tunggal kilo intun October 17.
Iti kanito a maipatungpal amin daytoy, manayunan iti agarup P198 ti presyo ti maysa nga 11-kilogram nga LPG tank.
Gapu iti dayta, posible a ngumato iti agarup P1,300 ti 11-kilogram a tangke, depende iti lokasyon ken retailer.
Sigun kenni Regasco president Arnel Ty, agpangato dagitoy iti presyo gapu iti panagngato ti presyo ti LPG ken crude oil iti international market.
