Naaddaan iti P3 rollback iti presyo ti tunggal kilo ti Liquefied Petroleum Gas (LPG) wenno cooking gas dagiti LPG company nangrugi idi Biyernes, Abril 17.
Katukad na daytoy ti P33 a kissay iti tunggal 11-kilo a tangke.
Sigun kenni LPG Marketer’s Association (LPGMA) President Arnel Ty, ti panagbaba ti presyo ti LPG ket gapu iti nababa a shipping ken transport costs.
Posible pay a masarunoan daytoy iti baro a rollback depende iti garaw ti presyo ti petrolyo iti merkado.
Kabayatanna, maipalagip a pinirmaan ni President Ferdinand “Bongbong” Marcos ti maysa nga executive order a mangsuspindir iti excise tax ti LPG ken kerosena iti las-od ti tallo a bulan kas paset iti addang ti gobyerno a mangpalag-an iti epekto ti krisis iti pagilian. // bombokaren.c.s
