PHILIPPINES – Bumaba inton bigat ti presyo ti produkto a petrolyo partikular ti gasolina ken kerosena.
Sigun kadagiti oil industry, bumaba ti presyo ti gasolina iti P2.45 tunggal litro, diesel iti P1.90 tunggal litro, ken kerosena iti P2.40 tunggal litro.
Ag-epektibo ti panagbalbaliw ti presyo ti produkto a petrolyo inton bigat alas sais ti agsapa malaksid laeng iti Cleanfuel a mangipatungpal iti 12:01 iti kapada nga aldaw.
Sigun iti Department of Energy-Oil Industry Management Bureau (DOE-OIMB), ti panagbalbaliw ti presyo iti nasao a produkto ket gapu iti recession concerns, geopolitical tensions, ken lackluster consumption idiay China.
Kabayatanna, ti kaudian a panagbalbaliw ti presyo ti produkto a petrolyo ket nangitunda iti year-to-date adjustments iti net increase a P9.50 tunggal litro iti gasolina, ken P6.65 tunggal litro iti diesel, ken net decrease a P0.75 tunggal litro.
Daytoten ti maikatlo a lawas a panagbaba ti gasolina bayat a maikalima iti diesel ken kerosena.
