Binallaagan iti Department of Trade and Industry (DTI) dagiti retailers ken resellers iti probinsya iti Cebu maipapan iti overpricing kagiddan ti panic buying gapu iti naglabas a magnitude 6.9 a gingined.
Daytoy ket iti baet nga awan pay ti nailista iti nasao nga opisina a reklamo seknan iti overpricing.
Iti agdama, epektibon ti price freeze iti nasao a probinsya maitunos iti Price Act iti pagilian nu sadino, otomatic nga agepektibo ti prize freeze kadagiti kangrunaan a kasapulan kas iti bagas, canned goods, ken danom apaman a maipasidong iti State of Calamity ti maysa a lugar.
Iti bileg daytoy, mabalin a mamulta iti agingga ₱1-million wenno maibalud iti agingga sangapulo a tawen dagiti maduktalan nga aglabsing.
Iti agdama, kinuna ti Officer-in-Charge it Department of Trade and Industry-Cebu nga awan pay ti nailistada nga overpricing kadagiti supermarkets wenno major retailers, kasta met nga impanamnama daytoy nga adda iti umdas a suplay dagiti magatang.