Nangipatungpal ti gobyerno ti 60 nga aldaw a price freeze wenno temporaryo a panangipasardeng ti panagngato ti presyo dagiti kangrunaan a gagatangen kadagiti lugar a naapektaran iti magnitude 7.8 a gingined idiay Mindanao.
Panggep ti nasao nga addang a mangipaay iti nalaka a presyo dagiti taraon ken dadduma pay a kangrunaan bayat nga agtultuloy ti panangipaay ti relief ken pannakaipatungpal ti rehabilitation efforts kadagiti apektado a komunidad.
Sigun kenni Trade Secretary Cristina Roque, innaldaw ti panagmonitorda kadagiti regional offices ti gobyerno tapno masigurado nga umdas ti suplay ti taraon ken saan a ngumato ti presyo dagiti kangrunaan a gagatangen.
Nakikoordinar metten ti gobyerno kadagiti supplier ken distributor tapno maliklikan ti kinakurang dagiti kasapulan a produkto kadagiti lugar a narigat a madanon gapu kadagiti nadadael a kalsada ken imprastraktura.
