Pimmusay ti Prime Minister ti Yemen Houthi government, agraman dagiti sumagmamano a ministers gapu iti Israeli strike iti Sanaa Capital sadiay Yemen idi Agosto 28, 2025.
Nagbalin a prime minister ti Yemen Houthi government ni Ahmad Ghaleb al-Rahwi iti dandani makatawen.
Sigun iti dadaulo ti Houthi Supreme Political Council a ni Mahdi al-Mashat, adu dagiti nasugatan gapu iti napasamak nga insidente
Kinuna ti Israel a pinunteriada ti Iran-aligned group’s chief of staff, defense minister ken dadduma a senior officials sadiay Sanaa.
Inyuswat ti Israel ti panagatake bayat a nagu-ummong dagiti opisiales ti Houthi.
Maipalagip a niraut dagiti Iran-aligned Houthis dagiti sumagmamano a barko iti Red Sea no sadino, kinunada a para daytoy iti pannakikaykaysada kadagiti Palestinians idiay Gaza.
Malaksid iti dayta, nangipatulodda iti missiles sadiay Israel ngem nalapdan ti kaaduan a bomba.
Gapu iti dayta, bimmales met ni Israel babaen kadagiti panangraut kadagiti lugar a kontrolado dagiti Houthi iti Yemen, agraman ti napateg a Hodeidah port ken Sanaa.
