Impakaammo ni Angeles City Mayor Carmelo Lazatin Jr. a nangala ti city government iti private investigators tapno tumutulong nga agimbestiga iti napasamak a panagcollapse ti maysa a building idiay Angeles City, Pampanga.
Sigun kenkuana, daytoy ket tapno masigurado iti ‘impartial ken credible’ a panagimbestiga iti nasao nga insedente.
Innayon pay daytoy a saan laeng a simple nga imbestigasyon ti mapasamak tapno maamuan ti rason ti panagcollapse ti nasao a building ken nu adda ti kasapulan a sungbatan dagiti akinkukua ken contractor ti nasao a proyekto.
Inlawlawagna metlaeng a ti panangalada iti private investigators ket tapno saan laeng a nakadepende iti gobyerno ti imbesigasyon.
Sigun pay kenkuana, nagkari dagiti makinkukua ken contractor a makitinnulongda iti maisayangkat nga imbestigasyon.
Nupay kasta, pabor metlaeng ni Lazatin Jr. a mapatawan dagitoy iti hold departure order wenno saan paylaeng dagitoy a mapalubosan a makabiyahe iti ruwar ti pagilian a Pilipinas bayat iti panagtulid ti imbestigasyon iti nasao a proyekto.
Iti agdama, dumanonen iti innem a bangkay ti nairuar dagiti rescuers manipud iti nagcollapse a building bayat a mannarimaan pay laeng ti operasyon dagitoy.//bombokaren.c.sapirao
