Pinaglibakan ti opisina ni Sen. Robin Padilla ti agwarwaras a damag a panggepda a paimbestigaran ni House Majority Leader Sandro Marcos.
Sigun kenni Padilla, palso a damag ti agwarwaras a damag wenno social media art card a mangibagbaga a masapul a sumango ti anak ti Presidente iti Senate investigation.
Impetteng ti nasao a senador nga awan ti pakaingaiganna iti ICI (Independent Commission for Infrastructure) ken Blue Ribbon Committee gapu ta saan a paset daytoy ti committee nga iggem daytoy.
Inlawlawag pay ti opisina ti nasao a senador nga awan ti bilegda a mang-summon iti siasinoman seknan iti anyaman nga isyu nangnangruna iti ruar ti mandato ti opisinana.
Maipalagip nga inyebkas ni Rep. Marcos idi napalabas a lawas a nakasagana daytoy a sumango ken maimbestigaran kalpasan a dinakamat ni Zaldy Co ti naganna nga adda pakainaiganna iti budget insertion. // Bombo Karen Sapirao
