Inwaragawag ti Department of Health – Cordillera a manipud iti pakabuklan a 2,112 a kaso ti dengue iti rehiyon ket ti probinsiya ti Benguet ti nakailista ti kangatoan a kaso manipud Enero a uno agingga Hunyo a uno iti agdama a tawen.
Maibasar iti datos, nakailista ti Benguet iti 759 a kaso, sarunoen ti Baguio City a 468, Mt. Province a 320, Apayao a 207, Ifugao a 196, Abra nga 88 ken Kalinga a 75.
Nupay kasta, nu idilig idi napalabas a tawen iti kapada a periodic period, ti Mt. Province ti dakkel ti ngimmatoan ti porsyento ti nasao a sakit, sarunoen ti Apayao bayat a ti probinsiya ti Kalinga ken Ifugao ket bimmaba ti kaso dagitoy.
Kabayatanna, smaibasar iti datos ti Regional Health Department, tallo nga indibidual ti pimmusay iti nasao a sakit manipud Apayao, Benguet ken Baguio.
Iti nasao a datos, 1,119 ket dagiti lallaki a naapektaran bayat a 993 kadagitoy ket babbai.
