BENGUET – Generally peaceful ti probinsya ti Benguet iti maikadua a kwarter ti agdama a tawen, sigun kenni Governor Melchor Diclas.
Maibasar kadagiti reports a naawat ni Governor Diclas manipud kadagiti law enforcement agencies a kas iti Benguet Provincial Police Office, Philippine Army – Task Unit Panagkaykaysa, the Bureau of Fire Protection – Benguet, Land Transportation Office ken daduma pay, naiparang a ti Benguet ket sitatalinaed a maysa kadagiti “most peaceful ken orderly province” iti pagilian.
Gapu iti dayta, nagyaman ti nasao a gobernador gapu iti agtultuloy a panagregget dagiti nagduduma a government agencies para iti panangpasigurado a ti probinsya ti Benguet ket natalged ken addaan iti umno a seguridad.
Malaksid iti dayta, pinagyamanan met ni Diclas dagiti umili ti Benguet gapu iti kooperasyon dagitoy kadagiti government offices ken kadagiti law enforcement agencies.
