Imbinglay ni House Prosecutor at Bicol Saro Partylist Rep. Terry Ridon nga ada iti iggemda a baro nga ebidensia kontra kenni Vice President Sara Duterte maipapan kadagiti sanikuada ti asawana a sigun kenkuana, saan a naideklara iti Statement of Assets, Liabilities, and Net Worth (SALN) daytoy manipud 2007 agingga 2024.
Sigun kenni Ridon. ti panangiruar ti “Bantay Impeachment” idiay Claret School, a nakasurat dagiti sanikuana na iti ahensia iti gobierno ngem saan a makita iti SALN submissions iti Bise Presidente.
Dagiti baro nga ebidensia ket maaramat tapno mapasingkedan iti reklamo maipapaan iti “unexplained wealth” wenno limed a kinabaknangna a maysa kadagiti uppat a reklamo a sangsanguen ni Duterte.
Dinayaw met ni Ridon ni House Prosecutor Joel Chua, a nakatakuat kadagiti nadakamat a baro nga ebidensia.
Malaksid iti unexplained wealth, sangsanguen pay ni VP Duterte ti reklamo iti kurapsion, di umiso a pannakausar iti pondo iti publiko, ken pangta iti biag dagiti nangato ti ranggona nga opisiales iti pagilian.//BomboKhey
