Kiniddaw ti House Prosecution Panel iti Senado ken sumagmamano nga ahensiya ti gobierno a siguradoenda ti kinatalged dagiti ebidensiya a naisubmiter iti Senado para iti impeachment trial ni Vice President Sara Duterte.
Daytoy ket kasaruno ti hack incident iti website ti Senado, sumagmamano nga aldaw sakbay nga impakaammo ti National Bureau of Investigation ti security threat.
Impetteng ni House lead impeachment prosecutor Rep. Gerville Luistro a narigat ti mangipagarup a mainaig dagiti insidente iti impeachment trial.
Nupay kasta, kinunana a nalawag a mangrugi intun June 18, 2026 ti umuna a pre-trial conference.
Gapu iti dayta, inawagan ni Luistro ti National Bureau of Investigation, Department of Justice, ken ti Philippine National Police tapno masigurado ti kinatalged ken seguridad iti Senado.
