Binigbig ni President Ferdinand Marcos, Jr. dagiti baro nga opisyal ti Kapisanan ng mga Brodkaster ng Pilipinas (KBP) ken impanamnamana ti agtultuloy a proteksyon kadagiti journalists kas paset iti panangpatibker ti demokrasya iti pagilian.
Inyunay-unay ti presidente ti napateg a papel ti media iti panangiwaragawag ti umno ken responsable nga impormasyon iti tenga ti pangta iti seguridad a sangsangwen dagitoy.
“Hindi madaling magtanong, mag-ulat, at maglahad ng katotohanan—lalo na kung may panganib na kaakibat ito,” sigun kenni Pangulong Ferdinand Marcos Jr.
Tapno adaadda a maipaay ti proteksyon iti media, nakikoordinar ti Presidential Task Force on Media Security iti NBI ken Public Attorney’s Office para iti legal a tulong kadagiti media personnel.
Alalukoyen met ti presidente ti media a makipaset iti pananglaban iti misinformation ken disinformation kadua ti gobyerno ken tech company kas iti Google ken Meta.
Inyunayunay metlaeng ni President Ferdinand “Bongbong” Marcos ti importansya ti transparency ken teknolohiya kas iti satellites ken drones tapno mabantayan dagiti proyekto ti gobyerno iti pagilian. //BomboKCS
