Imbilin ti Department of the Interior and Local Government(DILG) ti panakaikkat dagiti ladawan,nagan ken daduma pay a pakabigbigan dagiti opisyales kadagiti amin a proyekto iti gobyerno.
Saklawen daytoy ti opisyales dagiti amin nga opisina dagiti Local Government Units(LGUs)pakairamaann metlaeng dagiti central, regional, field office ken daduma pay nga attached agencies iti DILG.
Sigun iti nasao nga ahensya, saan a personal billboards dagiti programa ti gobyerno ken ti pondo a naaramat kadagitoy ket manipod iti buwis dagiti umili rason a rumbeng laeng a makita iti daytoy ti serbisyo publiko ken saan a political credit-grabbing.
Iti bileg ti nasao a pammilin, amin a kagawaan a manglabsing iti daytoy ket kasapulan nga ikkaten dagiti maseknan nga opisyales.
Responsable met dagiti head offices para iti panagtulnog dagiti regional, field offices ken daduma pay nga attached offices iti nasao a pammilin.
