Maangay ti public consultation inton bigat para iti matartarigagayan a market development iti Baguio City.
Mangrugi daytoy iti 8:00AM ken agleppas iti 5:00PM idiay Baguio Convention Center.
Gapu iti dayta, maaw-awis ti publiko nga umatendar tapno malawlawagan dagiti saludsodda seknan iti nasao a proyekto.
Iti panakiuman iti Bombo Radyo kenni Engineer Bonifacio Dela Peña, Administrator iti Baguio City, kinunana a nawaya nga umatendar ti publiko iti nasao a consultation nu sadino,atendaran metlaeng daytoy dagiti project proponent, ti PPP secretariat, ken dagiti konsehal iti Baguio City.
Nupay kasta, impakpakauna ni Engr.Dela Peña a limitado laeng ti mabalin dagitoy nga ibinglay gapu ta adda dagiti sumagmamano a confidential a banag kasapulan a saan maidisclose.
Innayon ti opisyal a kalpasan ti public consultation, maiprisinta iti City Development Council ti proyekto inton February 21 nu sadino, kaspangarigan aprubaran daytoy ti nasao a konseho ket umabante iti City Council para metlaeng panakatingitingna.
Inlawlawagna a kaspangarigan aprubaran daytoy iti City Council, mabalinen a maiprisinta ti nasao a proyekto iti Swiss Challenge.//Bombo Rob Dominguez
