Impakaammo ti Philippine National Police (PNP) a posible a makatulong ti pannakipaset ni Senator Ronald “Bato” Dela Rosa iti sesyon ti Senado, babaen iti video conference tapno maamwan ti lokasyon daytoy.
Daytoy ket nu maaprobaran ti singasing a maamyendaran ti Senate Rules.
Maipalagip a nagbalin a nabara ti diskusyon idiay Senado itay kanikadua seknan iti mosyon nga inpila ni Senator Rodante Marcoleta no sadino mapalubosan ti maysa a senador a makipaset iti sesyon ti senado babaen iti online.
Kinuwestionaran daytoy dagiti sumagmamano a minority senators gapu ta mabalin a makompromiso ti integridad ti senado.
Nupay kasta, iti benneg ti Philippine National Police, mabalin a makatulong daytoy iti panangbirukda iti nasao a senador.
“We will try to ascertain his whereabouts or his location using the link or whatever ‘yung gagamitin nila sa teleconferencing,” Sigun kenni Philippine National Police Public Information Office Chief P/Col. Allen Rae Co.
Mannarimaan ita ti panangsarak dagiti otoridad kenni Senator Dela Rosa gapu iti naipaulog ti International Criminal Court (ICC) a warrant kontra kenkuana iti kaso a crime against humanity kas maysa kadagiti co-perpetrators ni sigud a President Rodrigo Duterte. //bombokaren.c.sapirao
