--Ads--
BAGUIO CITY – Maguyguyugoy ti publiko a makimaymaysa iti maysa nga oras a panakaiddep ti silaw para iti Earth Hour 2024 inton rabii.
Mangrugi daytoy iti alas ocho y media agingga alas nuebe y media ti rabii.
Sigun kenni City Administrator Engineer Bonifacio Dela Peña, awan ti daduma nga aktibidad a maangay iti Baguio City para iti Earth Hour ita a tawen ngem maaw-awis ti publiko a makikaykaysa-da gapu ta dakkel ti agbalin nga epekto daytoy para iti lubong.
Nupay maipa-iddep dagiti silaw iti kaadwan a paset ti siudad, dinakamat ni Engineer Dela Peña nga adda dagiti agtalinaed a nakasilaw nagruna kadagiti pagpasyaran iti Baguio City para iti kinatalged dagiti turista.//Bombo Rob Dominguez
