Maal-allukoy ti publiko a makipaset iti makabulan a panakarambak ti yuletide season sadiay La Trinidad, Benguet nu sadino mangrugi ti lighting ceremony iti oras iti alas singko trenta ti malem inton bigat iti Municipal Grounds.
Para ita a tawen, addaan dagitoy iti tema a “Christmas in the eye of a child.”
Iti panakiumam ti Bombo Radyo kenni Councilor Belmer Elis, ti committe chair ti La Trinidad yuletide celebration, kinunana a nakasagan dagitoy para iti opening ceremony ti paskua iti nasao a munisipyo.
Addan met a naka-install dagiti nagduduma a Christmas decorations iti municipal ground kasta met dagiti Christmas lights ken ti mapadpadaanan ket ti panakasilaw laeng dagitoy.
Mapasamak met ti “Talaw: Lights & Dance Contest” a mangipakita kadagiti talento dagiti nagduduma a babbarangay ti La Trinidad inton Disyembre a kwatro iti oras ti alas singko ti malem.
Sigun kenni Councilor Elis, maipakita dagiti talento dagiti nagduduma a babbarangay iti La Trinidad iti “Talaw: Lights & Dance Contest” bayat a maal-allukoy ti tunggal maysa a mabalin nga ibinglayda ti talento dagitoy iti nasao a program.
Kabayatanna, dagiti daduma pay nga aktibidad para iti Yuletide season ket ti Community Gift giving, Concert at the park, lights parade, diskwento caravan ken Food Fair.
Iti food fair, mapatta-patta a dumanon iti sangapuli ket lima agingga baente ti food stalls a maibangon.
