--Ads--
Nagballaag ti Cybercrime Investigation and Coordinating Center (CICC) iti publiko kontra kadagiti social media accounts a mangidiaydiaya kadagiti SIM registration services para iti nababbaba a bayad.
Kasaruno daytoy ti panagwaras dagiti social media account a nainagan iti maysa a nalatak a kompanya.
Gapu iti dayta, nagpalagip ni Cybercrime Investigation and Coordinating Center Executive Director Alexander Ramos a dagiti laeng agtagikua kadagi SIM card ti personal a mangiparehistro kadagiti bukodda a sim nangruna ket kasapulan dagiti government-issued ID ken ti personal a ladawan.
Innayonna metlaeng a saan a kas karina nga ited dagiti cellphone numbers agsipud ta posible nga aramaten daytoy dagiti scammers.
