BAGUIO CITY – Maguyguyuguy ti umili wenno dagiti residente iti syudad ti Baguio a mangala dagitoy iti human papillomavirus vaccine kadagiti nagdumaduma a health center iti siudad.
Sigun kenni Sonia Insas, Nurse V iti Health Services Office a ti Human Papillomavirus Vaccine ket libre a maala daytoy kadagiti sangapulo ket innem a health centers iti syudad.
Agturong laeng iti Asin Health center; Atabel, Atok Trail; Campo Filipino; Irisan; Aurora hill; City camp center; Engineers hill; Loakan; lucban; Minesview; Pacdal; Pinsao; Quirino hill; Scout bario ken Quezon Hill.
Ti human papillomavirus ket para kadagiti ubbing nga agtawen iti 9 agingga iti 14.
Nupay kasta, adda metlaeng dagiti bakuna para kadagiti agtawen iti 15 years old and above partikular kadagiti pribado a health centers.
Inlawlawag ni Insas a pwenteria ti Department of Health a maipaayan iti libre a bakuna dagiti agtawen iti 9 ken 14 gaputa, dua a dose ti mai-inject kadagitoy.
Kabayatanna, tallo a dose met ti maipaay kadagiti agtawen iti 15 years old and above.
Maipalagip a ti human papillomavirus vaccine ket maysa a bakuna a manglaban iti genital warts wenno cervical cancer.
Iti sabali a bangir, agpalpalagip met ni Insas kadagiti babbae a nu adda ti abnormalities a madlaw dagitoy iti bagida ket agpakonsultada a dagus kadagiti doktor dagitoy.//Bombo Noveh Organo
