--Ads--
BAGUIO CITY- Guyguyugoyen ni Police Major Marcy Grace Marron, Public Information Officer ti Baguio City Police Office ti publiko nga ireportda kadagiti otoridad dagiti amammo dagitoy nga agararamat ti droga.
Impanamna ti opisyal ti pannakasalaknib ti kinasiasino dagitoy.
Maipalagip nga immuna a nagpangta ni Baguio City Mayor Benjamin Magalong kadagiti drug user ken pushers a pumanawda iti siudad.
Daytoy ket gapu pay laeng iti nagsasaruno nga operasyon ti illegal a droga a nakatiliwan ti adu a high value individual ken ti panaka-takedown ti drug den itay nabiit. //Bombo Noveh Organo
