Dumanon iti 21,000 a Philippine National Police (PNP) personnel ti naituding a maideploy iti intero a pagilian tapno masigurado ti seguridad ti publiko bayat ti pananglagip iti umadanin nga All Saints’ Day ken All Souls’ Day.
Sigun kenni Philippine National Police spokesperson Brig. Gen. Jean Fajardo, nagnayon dagitoy iti 3,000 personnel manipud iti naituding nga 18,000 personnel.
Imbilinna metlaeng kadagiti regional directors iti intero a pagilian a mangnayon dagitoy iti personnel a maideploy depende iti sitwasyon kadagiti masakupanda a lugar.
Immunan metlaeng a nagturong dagitoy kadagiti sementeryo tapno imonitor ti sitwasyon sadiay.
Innayonna metlaeng a maideploy dagitoy kadagiti police assistance desks kadagiti sementeryo, ken kadagiti transport terminal tapno asistaran dagiti residente nga agawid kadagiti bukodda a probinsya.
Maideploy metlaeng dagiti pulis sa barangay wenno tanod tapno agpatrolya kadagiti residential areas tapno maprebentaran ti robbery-related crimes bayat ti nasao a holiday.
