Dumanunen iti nasurok 1,300 a pulis ti naikkat ti serbisyo gapu iti nagduduma a kaso.
Inlawlawag ti Philippine National Police (PNP) a resulta daytoy ti kampanyada a linisan ti ahensya manipud kadagiti miyembro nga agar-aramid iti krimen ken nagduduma a panaglabsing.
Sigun iti ahensiya, narisut ti rinibribu nga administrative cases manipud Augusto 26, 2025 agingga Hulyo 15, 2026.
Kabayatanna, nasurok 2,000 a pulis ti nasuspinder; 237 dagiti nademote ti ranggona bayat a dadduma ti napatawan iti forfeiture of salary ken opisial a na-reprimand.
Maibasar iti datos, dumanon iti 4,534 a pulis ti napatawan iti administrative penalties kalpasan a naresut ti 3,903 nga administrative cases.
Ipasigurado ti PNP nga agtultuloy ti panagbantay daytoy iti bukodna a miembro tapno masigurado a nadalus ti ahensiya manipud kadagiti anyaman a kita ti panaglabsing iti linteg.
