--Ads--
BAGUIO CITY – Pimmusay ti maysa a pulis kalpasan a naaksidente ti imanmanehona a motorsiklo iti Abra-Kalinga National Road partikular sadiay Poblacion, Tayum, Abra idi rabii.
Nabigbig daytoy a ni PCMSgt. Elmer Taculao Brioso, 49-anyos, nakadestino iti Tayum Municipal Police Station ken residente ti Macray, Bangued, Abra.
Naamuan iti imbestigasyon a paawid ni Brioso idi aksidente a naidungpar ti motorsiklona iti nasao a kalsada.
Naiturong daytoy iti pagagasan ngem naideklara a dead on arrival.
