Impanamnama ti Department of Budget and Management (DBM) iti publiko nga umdas ti pundo ti gobierno a mangsuporta iti relief ken recovery efforts kadagiti komunidad a naapektaran iti bagyo.
Kasaruno daytoy iti bilin ni President Ferdinand Marcos Jr. nga agalisto dagiti government agencies, gapu iti agtultuloy a panaglayus kadagiti nagduduma a paset ti pagilian.
Sigun kenni Budget Secretary Amenah Pangandaman, impasiguradoda nga umdas ti pundo tapno maipaay dagiti pagkasapulan dagiti naapektaran a lugar gapu iti bagyo.
Kabayatanna, naka-standby ti pundo ti National Disaster Risk Reduction and Management Fund para iti emergency response ken post-disaster recovery.
Innayon ti Pangandaman a tunggal ahensia iti gobierno ket adda ti pundo-da para iti Quick Response.
