--Ads--
BAGUIO CITY – Nanayunan ti bilang dagiti contact tracers ti probinsya ti Benguet.
Sigun kenni Department of the Interior and Local Government-Benguet Provincial Director Rufina Fegcan, dumanon iti 70 nga indibidwal ti nainayun iti pwersa ti contact tracing teams ti probinsia kasaruno ti insayangkat dagitoy a panagala ti kanayonan a contact tracers.
Kinunana a manipod iti nasao bilang ket dumanon iti 25 ti maiwaras sadiay La Trinidad bayat a maiwaras dagiti dadduma iti dadduma a munisipyo ti probinsya.
Innayonna nga ad-adda a mapapartak ti contact tracing ti probinsya.
Dinakamatna pay a maipasidong pay dagiti nasao a baro a contact tracers iti seminar ken panagsanay sakbay dagitoy nga agrugi iti trabaho.
