Umdas ti bilang dagiti kameng ti pulisya iti Baguio City nga agbantay kadagiti nagduduma a parke ken pagpasyaran iti siudad.
Iti interview iti Bombo Radyo kenni Police Major Kurt Pacificar, Chief iti Baguio City Police Office-Tourist Police Unit,kinunana nga adda ti 57 nga organic personel, 20 manipud iti daduma nga istasyon, 16 a newly assigned a patrolman ken dadduma pay a personel.
Naideploy dagitoy iti nagduduma a pagpasyaran kas iti Rose Garden Burnham Park, Botanical Garden, Mines View, Wright Park, Lions Head, Lourdes Grotto ken dadduma pay.
Kabayatanna, kaaddoan a parikut dagiti turista a maiyas-asideg kadagiti opisina ti pulisya dagiti mapukpukaw wenno maiyaw-awan nga agtutubo kadagiti, mapukpukaw a gadgets, bags ken dadduma pay a kagawaan.
Malaksid iti dayta, kadawyan a maaw-awat dagiti otoridad a pakaseknan ti aksidente iti biking area ken boating area.
Iti baet dayta, dagusda met a maresrespondean dagiti maiyaw-awag kadakuada a pakaseknan babaen metlaeng iti panakitinnulong dagiti kameng iti Public Order and Safety Division ken dadduma pay nga opisina.//mp4
