--Ads--
BAGUIO CITY – Agtultuloy nga im-imbestigaran ti Tuba Municipal fire Station nu apay a nauram ti innem nga ektarya ti kalawana a bantay sadiay Kabuyao, Sto. Tomas, Poblacion, Tuba, Benguet idi kalman.
Sigun iti Tuba Municipal Fire Station, saan a madanon ti fire truck ti lokasyon ti uram rason a pinnagnada ti nasurok maysa nga oras.
Kinuna pay dagiti nagresponde a parikut ti kinaawan ti danum a mausar a mangsebseb iti uram rason a nagusarda ti bulbulong.
Naireport kadagiti otoridad ti insidente alas dies baente ti agsapa ken naideklara ti fire-out, alas singko trenta ti malem.
Nagtinnulong ti pwersa ti Tuba fire station ken Tuba Municipal Disaster Risk Reduction and Management Office a nangresponde iti nasao nga uram.
