Inwaragawag Department of Justice (DOJ) a posible nga umabante iti preliminary investigation stage ti naipila a reklamo kontra kadagiti timmulong iti panagtalaw ni Senator Ronald dela Rosa iti baet ti naipaulog nga arrest warrant.
Sigun kenni Justice Undersecretary Ian Norman Evaristo Dato, naisumitir iti DOJ idi Agosto 11, ti reklamo nga impila ti Philippine National Police (PNP) .
Nupay kasta, saanen nga innaganan ni Dato dagiti nagan ti respondent.
Inlawlawag ti opisial a masukimat paylaeng ti reklamo no addaan iti umdas a basaran tapno umabante iti preliminary investigation sakbayda nga iwaragawag dagiti nagan ti respondent.
Iti kanito a makadun ti reklamo iti preliminary investigation, kasapulan a mangipaulog ti Justice department iti subpoena kadagiti respondents.
Maipalagip a naudi a nagparang ni Dela Rosa idi Mayo 11 iti Senate session.
Addaan daytoy iti sidong ti protective custody ti Senado iti baet ti standing arrest warrant nga impaulog ti International Criminal Court (ICC).
Dua nga aldaw ti napalabas, napasamak ti insidente ti pammaltog iti nagbaetan ti Senate security ken National Bureau of Investigation (NBI) agents a nakaposisyon iti adjacent office facility.
Sumagmamano nga oras ti napalabas, immikkat ni Dela Rosa iti protective custody ti Senado babaen iti lugan ni Senator Robin Padilla.
