BAGUIO CITY – Inaklon ni Fernando Ragma Jr., superintendent ti Baguio City Public Market a parikotda ita ti agserbi a relocation site dagiti 50 a vendors a maapektaran iti panakaisimpa ti Magsaysay Building a sakop ti merkado publiko.
Kinunana a nangipaulogen ti City Buildings and Architecture Office iti notice to vacate kadagiti vendors.
Nupay kasta, agingga ita ket awan pay ti naikoordinar kadakuada no anya ti aramidenda kadagiti vendors.
Kiniddawna met iti panaka-awat dagiti maapektaran a vendors iti nasao a rehabilitasyon ti pasdek.
Maipalagip a kinuna ti lokal a gobyerno a kasapulanen ti rehabilitasyon ti nasao a pasdek gaputa napeggaden daytoy, saan laeng a kadagiti vendors ngem ketdi, uray pay kadagiti umili nga agturturong sadiay. (with Bombo Brigitte Marcasi)
