Kinarit ni House Committee on Public Accounts Chairman ken Bicol Saro Party-list Representative Terry Ridon ni Davao City Representative Paolo “Pulong” Duterte a mangiruwar daytoy kadagiti ebidensya seknan iti akusasyonna nga ikatenda ti pundo dagiti kongresista no saanda a suportaran ti impeachment complaint kontra kenni Vice President Sara Duterte.
Sigun kenni Ridon, napateg a mapaneknekan ni Pulong dagiti akusasyon imbes a basta lattan mangiwaragawag ti akusasyon daytoy iti social media.
Malaksid iti dayta, kinarit ni Ridon ni Pulong nga ipakita daytoy ti turedna babaen iti panangidepensana kenni Vice Presidente Sara Duterte iti plenaryo ti Kamara de Representantes.
Binabalawna pay ti masansan a panag-absent ni Representative Pulong kadagiti sesyon ti Kamara ken saan a regular a panangatendae kadagiti plenary proceedings.
Dinakamat amin daytoy ni Ridon kalpasan a mangipablaak ni Pulong iti social media daytoy no sadino akakusaranna nga adda dagiti kongresista a maatap a pinangtaanda a maikat ti pundoda kadagiti distrito dagitoy no saanda nga agbotos pabor kadagiti impeachment complaints kontra kenni Vice President Sara Duterte. // bombokaren.c.s
