Natalged ni Republican presidential candidate Donald Trump idi Domingo kalpasan a pinadas dagiti indibidual a mapapatay daytoy bayat ti panagay-ayamna ti golf course idiay West Palm Beach, Florida.
Sigun kadagiti opisial, naimatangan ken pinaltugan ti sumagmamano nga ahente ti U.S. Secret Service ti maysa a “gunman” iti “bush” iti asideg ti property line a rason ti panangidissuna ti AK-47-style assault rifle ken nakemmeg kalpasan a pinadasna nga agtalaw iti nasao a lugar.
Nabig ti suspek a ni Ryan Wesley Routh, 58-anyos a nagtaud idiay Hawaii.
Nagkedked met dagiti kameng ti FBI a mangipaay ti kanayunan a detalye seknan iti kinatao ti suspek, ken saanen a nagkomento dagiti dadduma nga opisial iti dadduma nga ahensia.
Maipalagip a napasamak metlaeng ti “assassination attempt” idi July 13, nu sadinno nadangran ni Trump bayat ti panagbitlana iti sango dagiti mangsupsuporta kenkuana iti panagngayangay daytoy iti kina-presidente.
