Dagus a naibakwit dagiti rinibribo a katao sadiay Indonesia kalpasan ti panagbettak ti Mount Ruang a mapatta-patta a mangitunda ti tsunami.
Sumagmamano metten nga airports ti nairekkep sadiay gapu iti panagwaras dagiti ashes wenno dapo ti bulkan.
Maipalagip nga idi kalman ket namin-tallo a daras a nagbettak ti nasao a bulkan.
Maibasar iti meterological agency ti Indonesia, adda a nakadanonen ti dapo ti bulkan sadiay Malaysia partikular iti Borneo island.
Sigun kenni Julius Ramopolii, dadaulo ti Mount Ruang monitoring post, agtultuloy ladta ti panagbettak ti bulkan itay agsapa.
Kabayatanna, naipatulod dagiti rescue ship ken warship sadiay Tagulandang Island north agingga Siau Island tapno matulungan dagiti residente sadiay.
Maipalagip a ti Indonesia ket maysa a pagilian a kanayun a makapaspasar ti seismic ken volcanic activity gapu iti kinaaddana iti “Ring of Fire.”//M
