--Ads--
Naglusolos ti dua a mammanday-linteg manipud iti partylist idiay Kamara ita nga aldaw.
Daytoy ti maikonsidera a kaudian a serye ti panagresign iti lower house kalpasan iti panaglusolos metlaeng ti maysa a kongresista a maatap nga adda pakainaiganna iti binil-bilyon a naanomalyaan a flood control.
Iti napasamak a plenary session, impakaammo ni Zamboanga Del Sur Representative Jeyzel Victoria Yu a naawatda ti surat ti panaglusolos da 1Tahanan Partylist Representative Nathaniel Oducado ken Pinoy Workers Partylist Representative Franz Vincent Legazpi.
Kasaruno daytoy, pormal nga inpila ni Representative Yu ti mosyon a maikat dagiti dua iti opisyal a listaan dagiti miyembro ti Kamara. //bombokaren.c.s
