Mamati ni Bicol Saro Partylist Representative Terry Ridon a saan pay laeng a kasapulan a maipasa iti kustodiya ti Kamara ni Ramil Madriaga manipud iti pannakaibaludna iti Bureau of Jail Management and Penology (BJMP) idiay Camp Baging Diwa, Taguig City.
Sigun kenkuana, maipasa ti kustodiya apaman nga awanen ti kanayunan a damag ti komite kenni Madriaga, mabalinen a maipasa iti kustodiya ti Kamara kabayatan a maisimpsimpa ti koneksyon ti BJMP ken Kamara.
Immunan a kinidaw ti sumagmamano a miyembro ti House Justice Committee a maiyalis ti kustodiya ni Madriaga kadakuada gapu iti maatap a pangta iti biyagna.
Kabayatanna, saan metlaeng a inikat ti House Justuce Committee ti posibilidad a mapaayaban ni Madriaga kadagiti sumarsaruno pay a panagdengngeg.
Sigun kenni Ridon, nu adda pay laeng dagiti damag dagiti dadduma a miyembro ti Kamara ket kiddawenda iti korte a palubosanda manen ni Madriaga nga agbalin a resource person iti panel.
Maipalagip a dimmar-ay ni Madriaga iti panagdengngeg ti Kamara iti inted nga oras kenkuana ti korte a manipud alas dyes agingga alas singko. // bombokaren.c.s
