Marigatan kayo kadi met a mangbagbaga kadagiti motorista a liklikanda ti reckless driving?
Nu saan nga epektibo ti panangtiliw ken panangmulta yu kadakuada, nalabit ket kayat yu nga ikonsidera ti sabali pay nga alternatibo a kas iti inubra dagiti otoridad idiay Montgomery Township, Pennsylvania, USA.
Ammoyo kadi nga imbes a diretso a linya ti naipintor a road markings iti nasao a lugar, saan ta curve lines.
Sigun kadagiti otoridad, panggep ti nasao nga inisyatiba a pababaen ti kaso iti reckless driving.
Nupay kasta,imbes a tagiragsaken dagiti residente, kwinestyunaranda daytoy nu sadino, ipagpagarop dagiti daduma nu nabartek ti nangpintor iti daytoy.
Daduma met ti nangipagarop a daytoy ket ang-angaw laeng para iti April Fools ngem kinumpirmar ti otoridad a daytoy ket maysa a lehitimo a ballaag para kadagiti motorista.
Sumagmamano metten ti nangpadas a suruten ti direksyon ti killo-killo a linya nu sadino, inyarigda ti padasda iti daytoy kas rollercoaster.
Iti baet ti nasayaat nga intensyon ti nasao nga inisyatiba, adu ti saan a nagtulnog ken nagtultuloy latta a nagmaneho kas iti sigud nga ub-ubraenda,kasta metten a nangisingasingda iti sabali pay nga alternatibo.
