Kinuwestionaran ni sigud a House Speaker ken Leyte 1st Districy Representative Ferdinand Martin Romualdez ti panagbalin a patas ti Office of the Ombudsman iti isaysayangkat dagitoy nga imbestigasyon kontra kenkuana.
Daytoy ket gapu iti panangaramat ti opisina iti maysa a testigo a sigud a nakwestionaran metlaeng ti kredibilidadna.
Sigun kenni Romualdez, ti laeng kiddawna itan iti nasao nga opisina ket ti patas a panagtrato iti sidung ti linteg.
Kagidan dayta, impetteng ni Romualdez a saan daytoy a sumardeng ken ituloyna a sanguen ti nasao a kaso.
Kabayatanna, impasigurado met ni Assistant Ombudsman Mico Clavano a mapagtalkan dagiti ipaspasangoda a testigo ken suportado ti ebidensya dagiti statement dagitoy.
Nupay saan ada ti isyu iti joint affidavit dagiti 18 sigud a marino, naduktalan a nalawag ken agtutuno dagiti nagsisina nga statement dagitoy, partikular iti maatap a cash deliveries kada Zaldy Co ken Martin Romuldez. //bombokaren.c.sapirao
