Manamnama a sumango iti Sandiganbayan kas testigo ni Leyte Representative Martin Romualdez iti P7.44-bilyon a plunder case kontra kenkuana.
Sigun iti abogado a ni Atty. Ade Fajardo, kayat ni Romualdez a maaddaan iti oportunidad a depensaan ti bukodna iti korte kalpasan a pormal a pinalpas iti Sandiganbayan third division ti pre-trial proceedings.
Mabalin met nga isango iti depensa ti sumagmamano a security aide ken driver iti co-accused na a ni sigud a Ako Bicol Representative Zaldy Co, pakairamanan ni Orly Guteza.
Dumanonen iti 40 dagiti posible a testigo iti depensa ngem mabalin pay nga agbaliw daytoy depende kadagiti ebidensya nga ipresenta iti prosekusyon.
Iti agdama, agtatalinaed a nakabalud ni Romualdez iti Quezon City Jail-Male Dormitory idiay Payatas bayat nga agtatalinaed nga at large dagiti tallo a co-accused na.
Kabayatanna, pinalagipan met iti Sandiganbayan ti abogado ni Romualdez a ni Judd Roy kalpasan a kwestiyonaran iti media ti panagbasa iti information iti arraignment.
Impalagip iti korte a regular iti proseso tapno masigurado ti karbengan ti akusado no sadino maammoan ti alegasyon kontra kenkuana.
Impeksa ni Fajardo a resrespetoen iti depensa ti posisyon iti korte ken nasken nga agtalinaed ti respeto dagiti abogado kas officers of the court. //via Bombo Khey Reparip
