Impakaammo ti Russian Federation Press Secretary a ni Dmitry Peskov a naimbitaran ni Russian President Vladimir Putin a makisali iti Board of Peace a binukel ni United States President Donald Trump.
Sigun kenni Peskov, naipaay kadakuada ti impormasyon babaen kadagiti diplomatic channels.
Iti agdama,kinuna ti opisyal nga ad-adalenen ti Russia ti nasao nga imbitasyon ken mangnamnama dagitoy a makaala iti kanayonan pay a detalye manipod iti benneg ti Estados Unidos.
Ti nasao a komite a binukel ni Trump ti mangkita iti panaka-reconstruct iti Gaza wenno mangbantay iti maisaksakad a phase iti Gaza peace plan.
Malaksid iti Russia, naimbitaran metlaeng ti Belarus, Slovenia, Thailand, ken Israel a sumali iti Board of Peace.
Iti agdama, saan pay a nalawag nu mano a lider ti naipaayan iti imbitasyon ken iti agdama ket adu dagiti saludsod maipapan iti mandato ti nasao a komite ken iti decision-making processes dagitoy.
