Kinuwestionaran dagiti sumagmamano a mammanday linteg ti nagbalin a proseso ti panagpiyansa ni Vice President Sara Duterte iti Quezon City Regional Trial Court a bimmayag iti sumagmamano nga oras.
Iti pabet ti umnon a proseso, maulit-ulit ti panangdakamat ni Duterte nga awan ti talekna iti gobierno, kapulisan, ken iti korte.
Sigun met kenni Bicol Saro Party-list Representative Terry Ridon, kukuwestiyonaranna ti maatap a saan a pannakaisayangkat ti mugshot kenni Duterte kas paset ti booking process.
Innayonna a rumbeng nga ilawlawag dagiti maseknan nga otoridad no adda ti nalawag a legal a batayan ti nasao nga exemption.
Impaganetget ni Ridon a masapul a maymaysa ti pannakaipatungpal ti proseso, aniaman ti kasasaad ti akusado, bise presidente man wenno ordinaryo a Pilipino.
