--Ads--
Nangrugin a nagilako dagiti sumagmamano a flower ken candle vendors kadagiti lakoda a sabsabong ken kandila iti People’s Park Malcolm Square iti siudad ti Baguio.
Daytoy ket kas panagsagana metlaeng iti umadanin nga All Souls Day ken All Saints Day ita a lawas.
Nangrugi a naglako dagitoy ita nga aldaw ken agleppas met daytoy inton Nobyembre a tres iti agdama a tawen.
Mainaig iti dayta, manarimaan metten ti panagkurta dagiti cut flowers farmers iti probinsya ti Benguet kadagiti mulada a sabsabong.
Iti agdama, naipasigurado met nga umdas ti suplay ti sabong iti Benguet a mailako kadagiti dadduma pay a lugar.
