PHILIPPINES – Desidido ti Department of Education a mangisubli iti sigud nga school year calendar.
Sigun kenni Leila Areola, Director ti Bureau of Learning Delivery iti DepEd, mangrugi ti school year 2024-2025 inton Hulyo 29 ken agleppas agingga inton Marso 31, 2025.
Gapu iti dayta, agbalinen a 163 ti school days manipud iti 180 nga aldaw iti agdama.
Iti nasao a petsa, mabalinen a marugian ti school year 2025-2026 iti bulan ti Hunyo.
Malaksid iti dayta, pangpanggepen ti ahensiya nga ipatungpal ti Saturday classes tapno masubbot dagiti aldaw a naikkat iti agdama nga school year.
Sigun met kenni House basic education committee Rep. Roman Romulo nga awan ti mapabasol iti daytoy gapu ta narigat ti mangipatungpal iti klase iti nakaro nga init ti panawen.
