Nangipaay iti Kingdom of Saudi Arabia iti tallo pulo a tonelada iti “premium pressed dates” iti Pilipinas tapno iwaras iti Muslim community iti Pilipinas.
Sigun iti report, maiwaras dagiti “dates” babaen iti National Commission on Muslim Filipinos ken Philippine Red Cross, ken manamnama a makatulong nangruna kadagiti pamilia nga agkasapulan.
Kinuna ni Saudi Ambassador Faisal Ebraheem Alghamdi a ti donasion ket paset iti agtultuloy a panangipakita iti panaggayyem ken suporta iti pagilianda iti Pilipinas.
Numan pay naikeddeng a maiwaras idi Ramadan, naitantan ti panangiwaras gapu iti delay iti shipment.
Sigun met kadagiti opisial iti Pilipinas, dakkel a tulong ti nasao a donasion, nangruna kadagiti Muslim a Pilipino iti nagduduma a lugar a kas iti Maynila ken kadagiti probinsia partikular iti panawen a kurang iti paggatang iti taraon.
