--Ads--
BAGUIO CITY – Natiliw ti maysa a security guard a high value target iti napnuan tension a buy-bust operation sadiay Santa Rosa, Bangued, Abra idi kalman.
Nabigbig daytoy a ni Lambert Jeffrey Pilar, gwardia a nakabase iti sports complex ti Abra.
Nakumpiskar kenkuana ti lima a pakete ti maatap a shabu ken sumagmamano a drug paraphernalia.
Narekober pay iti ikotna ti naaramat a buy-bust money.
Kinuna dagiti otoridad a karaman ni Pilar kadagiti high value target iti iligal a droga kalpasan a naduktalan ti agtultuloy nga operasyonna iti iligal a droga.
Sumangsango metten ni Pilar iti kaso a panaglabsing iti Comprehensive Dangerous Drugs Act of 2002.
