BAGUIO CITY – Pimmanawen dagiti security guards ti Dragon Knights Security Agency nga immunan a nang-okupar ti 10 nga ektarya a lote iti masakupan ti Baguio Animal Breeding and Research Center (BABRC).
Sigun kenni Robert Domoguen, director ti BABRC, daytoy ket kalpasan a kinumpiskar dagiti personnel ti Regional Civil Security Unit (RCSU) ti Police Regional Office Cordillera dagiti armas dagitoy.
Kinunana nga awanan daytoy ti impormasyon no agtaltalinaed dagiti dagiti nasao a grupo iti siudad wenno nagturongdan sadiay Manila.
Maipalagip nga idi napalabas a lawas ket nangipatungpal ti RCSU ti inspection iti nadakamat a lugar no sadino kinumpiskarda dagiti armas dagiti nasao a security guards gapu iti kinaawan ti maipakitada a lisensiyada nga ag operate iti ruar ti Manila.
Sigun met kenni Baguio City Police Office, City Director PCol. Glenn Lonogan, naipaayan dagitoy ti citation ticket gapu iti sumagmamano a panaglabsing dagitoy pakairamanan ti dagosda a panagturong iti lugar nga awanan iti pammalubs manipod iti DA..
Kinunana pay a posible a ti RCSU ti mangipila ti kaso kontra kadakuada.
